हिंगोली शहर प्रतिनिधी
आकाश जगताप
हिंगोली
शहरातील *खुरणा पंपा जवळील नाली संपूर्णपणे बुजल्याने* गटाराचे घाण पाणी थेट रस्त्यावर वाहू लागले आहे. गेल्या कित्येक दिवसांपासून ही समस्या आहे, मात्र *नगर परिषदेचे दुर्लक्ष* असल्याने नागरिकांना नाहक त्रास सहन करावा लागत आहे.
*रस्त्यावर घाण पाण्याचा राडा*
नाली बुजल्यामुळे सांडपाणी पूर्ण रस्त्यावर साचले आहे. दुचाकी, चारचाकी आणि पादचारी नागरिकांना याच घाण पाण्यातून ये-जा करावी लागत आहे. शाळकरी मुले आणि वृद्ध नागरिकांना सर्वात जास्त त्रास होत आहे.
*आरोग्याला धोका*
रस्त्यावर साचलेल्या या दुर्गंधीयुक्त पाण्यामुळे डास, माश्या आणि साथीच्या रोगांचा धोका वाढला आहे. स्थानिक नागरिकांचे म्हणणे आहे की _”या पाण्यामुळे टायफॉइड, डेंग्यू, मलेरिया सारखे आजार पसरण्याची भीती आहे. पण अधिकारी याकडे बघायलाच तयार नाहीत.”_
*नगर परिषद गप्प*
वारंवार तक्रारी करूनही नगर परिषदेकडून नाली सफाई किंवा पाणी उपसण्याची कोणतीही कारवाई झालेली नाही. त्यामुळे नागरिकांमध्ये प्रचंड नाराजी आहे.
*मागणी*
तातडीने नालीची सफाई करून गटाराचे पाणी बंद करावे, अन्यथा नागरिक आंदोलन करू असा इशारा स्थानिकांनी दिला आहे.
प्रशासन वेळीच जागे होणार का, की एखादा आजार फैलावल्यावरच कारवाई होणार?
