रबाळे पोलीस ठाणे, नवी मुंबई हद्दीत अल्पवयीन मुलीची छेड काढणाऱ्या विकृत आरोपीस अटक
प्रतिनिधी रणजीत मस्के
अटक करून गुन्हा उघडकीस आणण्यात आला आहे. दिनांक 04/04/2026 रोजी सकाळी सुमारे 08:35 वाजण्याच्या सुमारास फिर्यादी यांची अल्पवयीन मुलगी रस्त्याने पायी जात असताना आरोपीने तिच्या मागून येऊन पाय मारत तिचे नाव विचारून तिच्याशी अश्लील कृत्य केले. या घटनेप्रकरणी गु.र.क्र. 293/2026 प्रमाणे BNS कलम 74 तसेच POCSO कलम 8 व 12 अंतर्गत गुन्हा दाखल करण्यात आला.
सदर गुन्ह्याचा तपास वरिष्ठ पोलीस निरीक्षक बाळकृष्ण सावंत, पो.नि. (प्रशासन) बनसोडे व पो.नि. (गुन्हे) सचिन गवळी यांच्या मार्गदर्शनाखाली करण्यात आला. गुन्हे प्रकटीकरण अधिकारी सहा.पो.नि. दिपक खरात व त्यांच्या पथकाने घटनास्थळाचे बारकाईने निरीक्षण करून परिसरातील CCTV फुटेज तपासले तसेच तांत्रिक विश्लेषण व बातमीदारांकडून मिळालेल्या माहितीच्या आधारे आरोपीचा शोध घेण्यात आला. तपासादरम्यान मिळालेल्या ठोस माहितीच्या आधारे आरोपीस ताब्यात घेऊन सखोल चौकशी केली असता त्याचा सदर गुन्ह्यातील सहभाग निष्पन्न झाला.
अटक करण्यात आलेल्या आरोपीचे नाव विवेक गजानन कदम (वय 35 वर्ष, धंदा – ऑफिस बॉय, रा. घणसोली, नवी मुंबई) असे असून त्यास पुढील कायदेशीर कार्यवाहीसाठी अटक करण्यात आलेली आहे.
सदर कारवाई सहा. पोलीस निरीक्षक दिपक खरात तसेच त्यांच्या पथकातील पोलीस अंमलदार दर्शन कटके, मयूर सोनवणे, गणेश वीर, धनाजी भांगरे, यादवराव घुले व मनोज देडे यांनी यशस्वीरीत्या पार पाडली आहे.
माहितीसाठी सविनय सादर.
(बाळकृष्ण सावंत)
वरिष्ठ पोलीस निरीक्षक
रबाळे पोलीस ठाणे, नवी मुंबई
