कवठे येमाई येथे NCMC कार्ड शिबिराला उत्स्फूर्त प्रतिसाद
प्रतिनिधी अशोक पाचुंदकर
कवठे येमाई : ग्रामपंचायत कवठे (येमाई) यांच्या वतीने आज, गुरुवार दि. १३ ऑगस्ट २०२६ रोजी सकाळी १० वाजता NCMC कार्ड शिबिराचे आयोजन करण्यात आले आहे.
मा. पंचायत समिती सदस्य डॉ. श्री. सुभाष रामचंद्र पोकळे तसेच सौ. मनीषाताई पांडुरंग भोर, सरपंच ग्रामपंचायत कवठे येमाई यांच्या सहकार्याने हे शिबिर आयोजित करण्यात आले आहे.
या शिबिराला नागरिकांचा उत्स्फूर्त प्रतिसाद मिळत असून आत्तापर्यंत अडीचशे ते तीनशे नागरिकांनी सहभाग नोंदवला आहे. NCMC कार्डच्या माध्यमातून MSRTC बस प्रवासात सवलत, रोखरहित प्रवासाची सुविधा तसेच सुरक्षित व सोयीस्कर प्रवास अशा विविध सुविधा मिळणार आहेत.
हे शिबिर ग्रामपंचायत कवठे येमाई, ता. शिरूर, जि. पुणे येथे आयोजित करण्यात आले असून नागरिकांनी या सुविधेचा लाभ घ्यावा, असे आवाहन पांडुरंग भोर, सरपंच यांनी केले आहे.
