अक्षरदेह परिवाराकडून लक्ष्मीकांत गोंदकर सरांना वाढदिवसाच्या हार्दिक शुभेच्छा.
प्रतिनिधी सारंग महाजन.
नाटकाचा *दीप* स्तंभ
प्रत्येक नाट्यसंहितेची सुरुवात असते या वाक्याने,
“रंगमंच उजळतो तेव्हा…. ” पण हा रंगमंच उजळतो कुणामुळे? तर अप्रकाशित राहणाऱ्या एका प्रकाशयोजनाकारामुळे….. नाटकाचं ग्लॅमर हे प्रत्यक्ष रंगमंचावर दिसणाऱ्या कलाकारांच्या भोवतीच फिरत असतं … परंतु या कलाकारांना दाखवणं ज्यांच्या हातात असतं , तो प्रकाशयोजनाकार मात्र कायम ग्लॅमरच्या बाहेर असतो… म्हणून प्रत्येकाला अभिनय करावा वाटतो, रंगमंचावर दिसावं वाटतं … ते साहजिकच आहे… पण मग नाटकाचं काय ? प्रकाशयोजना, नेपथ्य यासाठी कुणीतरी आपल्या इच्छा आकांक्षांचे बलिदान देणारा व स्वतःला ग्लॅमरपासून अलिप्त ठेवत उपेक्षित राहणारा कलावंत म्हणून काम करणाऱ्यासाठी कमालीचं साहस लागतं , त्याच्या अंगात नाटक मुरलेले आणि त्याचे जीवन नाटकासाठी वाहलेलं असलं पाहिजे… असाच एक समर्पित कलावंत म्हणून ज्यांची ओळख आहे व ज्यांनी केवळ बुलढाणा नाट्यसृष्टीतील उणिव भरुन काढण्यासाठी स्वतःतील अभिनेत्याचे बलिदान देत प्रकाशयोजनेचे काम स्वीकारले व नाटकासाठी खऱ्या अर्थाने *दीप* स्तंभ म्हणून आधार ठरलेले आमचे मार्गदर्शक
*मा. श्री. लक्ष्मीकांत गोंदकर सर*
यांचा आज वाढदिवस… त्यांना अक्षरदेह परीवाराकडून खूप खूप शुभेच्छा !!!!
नाटकाची तात्पुरती गरज भागवावी म्हणून प्रकाशयोजना न करता त्या नाटकाला , कलाकृतीला एका मोठ्या उंचीवर पोहोचवणारी प्रकाशयोजना त्यांनी केली आहे… राज्यातील प्रत्येक मोठ्या शहरातील रंगमंचावर त्यांनी उजेड पाडलेला आहे.. बऱ्याचदा कलाकारांचा उजेड पडो ना पडो , पण श्री. गोंदकर सरांनी प्रकाशयोजनेची बक्षिसे आणली आहेत…. आपलं काम प्रामाणिकपणे व झोकून देऊन करणे हेच त्यांना माहिती आहे…. विशेष म्हणजे या क्षेत्रात कमालीचे अपडेट असणारे श्री. गोंदकर सर यांचे टायमिंग व अचूकता वाखाणण्याजोगी आहे. कल्पकता आणि संहितेचा सार पकडून प्रसंगानुरुप प्रकाशयोजनेतील वैविध्य हे त्यांचे वैशिष्ट्य…..
याखेरीस वैद्यकीय क्षेत्रातील राज्यस्तरीय स्टार फॅकल्टी म्हणून देखील त्यांची ओळख आहे… उत्तम वक्ते व नाट्य अभ्यासक म्हणूनही त्यांचा लौकिक आहे…
आज वाढदिवसाच्या निमित्ताने सरांचे पुन्हा एकदा अभिष्टचिंतन….( शशिकांत इंगळे सर)
