जांभुळवाडी परिसरात एका तरुणाचा निर्घृण खुन करुन पसार झालेल्या आरोपीला इंदौर, मध्यप्रदेश येथून ताब्यात घेवून २४ तासाच्या आत केली अटक, आंबेगाव पोलीसांची कौशल्यपुर्ण कामगिरी.
प्रतिनिधी: गोपाळ भालेराव
आंबेगाव (कात्रज )दिनांक १५जून २०२५ रोजी सकाळी १०.०० वा. सुमारास आंबेगांव पोलीस स्टेशनकडील तपास पथकाचे अंमलदार हणमंत मासाळ, चेतन भोरे यांना त्यांच्या गोपनीय बातमीदारामार्फत माहिती मिळाली की, दिनांक १४जून २०२५ रोजी रात्री २२.३० वा. सुमारास जांभुळवाडी तलावाच्या बांधावर, आंबेगांव खुर्द पुणे येथे एका तरुणाचा खुन झाला आहे. सदर माहितीची खात्री करण्याकरीता आंबेगांव पोलीस स्टेशनचे व.पो.नि श्री शरद झिने, पोनि गुन्हे गजानन चोरमले, तपास पथकाचे प्रभारी मोहन कळमकर तसेच तपास पथकातील अंमलदार यांनी बातमीच्या ठिकाणी जावून पाहणी केली त्या ठिकाणी एका तरुण मुलाचा खुन झाला असल्याचे दिसले. घडल्या प्रकाराबाबत इसम नाव दिपक सुरेश बंडगर, वय-२१ वर्षे, प्रतिक हाईट्स, पारे कंपनी रोड, नन्हे पुणे बांनी तक्रार दिल्याने आंबेगांव पोलीस स्टेशन येथे गुन्हा रजिस्टर नंवर १२४/२०२५, भारतीय न्याय संहीता कलम १०३, २३८ प्रमाणे गुन्हा दाखल आहे.
खून करणाऱ्या आरोपीबाबत अधिक माहिती घेतली असता खून करणारा इसम सुरज गणेश सूर्यवंशी, वय-२२ वर्षे, हा इंदौर मध्यप्रदेश येथे गेला असल्याची माहिती मिळाली. माहिती मिळताच तात्काळ तपास पथकाचे प्रभारी पोलीस उपनिरीक्षक मोहन कळमकर व पोलीस अंमलदार चेतन गोरे, हणमंत मासाळ, धनाजी धोत्रे, सचिन गाडे असे इंदौर, मध्यप्रदेश येथे जावुन मिळालेल्या माहितीच्या आधारे तसेच तांत्रीक विश्लेषण करुन गुन्हयातील आरोपी याचा शोध घेतला असता तो इंदौर, मध्यप्रदेश येथे मिळुन आल्याने त्यास ताब्यात घेवुन त्यांच्या कडे कसोशीने तपास करता त्याने गुन्हा केल्याचे कबुल केल्याने त्यास सदर गुन्हयात अटक करण्यात आली आहे.
सदरची कारवाई पोलीस आयुक्त, पुणे शहर मा. अमितेश कुमार, सह पोलीस आयुक्त मा. रंजनकुमार शर्मा, अपर पोलीस आयुक्त, पश्चिम प्रादेशीक विभाग पुणे मा. राजेश बनसोडे, पोलीस उपआयुक्त परिमंडळ-२ पुणे श्रीमती स्मार्तना पाटील, सहा. पोलीस आयुक्त, स्वारगेट विभाग पुणे श्री. राहुल आवारे यांचे मार्गदर्शनाखाली आंबेगाव पोलीस स्टेशनचे वरिष्ठ पोलीस निरीक्षक श्री. शरद झिने, पोनि गुन्हे गजानन चोरमले, सहाय्यक पोलीस निरीक्षक प्रियंका गोरे, पोलीस उपनिरीक्षक मोहन कळमकर, मारुती वाघमारे, पोलीस अंमलदार शैलेंद्र साठे, चेतन गोरे, हणमंत मासाळ, विनायक पाडळे, निलेश जमदाडे, सचिन तनपुरे, प्रमोद कांबळे धनाजी धोत्रे, सचिन गाडे, प्रमोद भोसले, नितीन कातुर्डे, योगेश जगदाळे, सुभाष मोरे, हरिश गायकवाड, अजय कामठे, यांच्या पथकाने केली.
