अखेर डॉ.मिलिंद एकबोटे यांचे आमरण उपोषण अखेर मागे.
प्रतिनिधी प्रशांत काजळे.
आळंदी देवाची ‘‘आपली गाई, आपली आई’’ या विचाराने देशी गोवंश बचाव जनआंदोलनाच्या माध्यमातून प्रखर हिंदूत्त्ववादी व गोरक्षक डॉ. मिलिंद एकबोटे यांनी गोसंवर्धनाच्या दृष्टीने विविध मागण्यासाठी आळंदी देवाची येथे आमरण उपोषण सुरू केले होते.आज उपोषणस्थळी आमदार महेश लांडगे यांनी भेट घेतली आणि राज्य सरकार, केंद्र सरकारकडे एकत्रितपणे पाठपुरावा करू, अशी विनंती केली. त्यांनतर डॉ. एकबोटे यांनी उपोषण मागे घेतले.
श्री.क्षेत्र आळंदी आणि माता इंद्रायणी नदीचे पावित्र्य राखण्यासाठी प्रशासनाने पुढाकार घ्यावा, अशी मागणीही डॉ. मिलिंद एकबोटे यांनी उपोषणाच्या माध्यमातून केली आहे. त्यांच्या उपोषणासाठी आमदार महेश लांडगे यांनी पाठिंबा दिला आणि शासनाकडे पाठपुरावा करण्याचा संकल्पही त्यांनी यावेळी केला आहे.
