स्वा. सै. पं. ध. थेपडे विद्यालयाच्या कु. प्रशिका पवार हिची NMMS शिष्यवृत्ती परीक्षेत निवड
जळगाव जिल्हा प्रतिनिधी समाधान पाटील
म्हसावद (ता. जि. जळगांव) येथील स्वा. सै. पं. ध. थेपडे माध्यमिक व उच्च माध्यमिक विद्यालयाची ८ वी ‘अ’ वर्गातील विद्यार्थिनी कु. प्रशिका अरुण पवार हिने राष्ट्रीय आर्थिक दुर्बल घटक विद्यार्थ्यांसाठी शिष्यवृत्ती योजना (NMMS) परीक्षेत घवघवीत यश संपादन करत शिष्यवृत्तीसाठी आपली निवड निश्चित केली आहे.
यावर्षी घेण्यात आलेल्या या परीक्षेत विद्यालयातील एकूण ३१ विद्यार्थी प्रविष्ट झाले होते, त्यापैकी ६ विद्यार्थ्यांनी यश संपादन केले आहे. यापैकी कु. प्रशिका पवार हिने ७४ टक्के गुण मिळवत शाळेचा आणि आपल्या पालकांचा नावलौकिक वाढवला आहे. प्रशिकाच्या या यशामागे शाळेतील मार्गदर्शक शिक्षक एस. एम. नेतकर, एन. के. अहिरे, एस. जे. पवार, पी. पी. मगरे, आर. आर. महाजन आणि एम. ए. जैन यांचे मोलाचे मार्गदर्शन लाभले.
विद्यार्थिनीच्या या यशाबद्दल तिचे व तिच्या पालकांचे कौतुक करत सत्कार करण्यात आला. यावेळी विद्यालयाचे प्राचार्य जी. डी. बच्छाव, उपप्राचार्य एस. के. भंगाळे, पर्यवेक्षक के. पी. पाटील, शिक्षक प्रतिनिधी सचिन चव्हाण आणि ज्युनिअर कॉलेज विभाग प्रमुख वाय. पी. चिंचोरे उपस्थित होते. या यशाबद्दल संस्थेचे चेअरमन आदरणीय डॉ. केदारजी थेपडे यांनी विद्यार्थिनीचे विशेष कौतुक केले असून तिच्या पुढील शैक्षणिक वाटचालीस शुभेच्छा दिल्या आहेत.
