सांगलीत प्रेम विवाहाचा करूण अंत; विट्यात पत्नीचा खून अनैतिक संबंधाची झालरं! विटा पोलीस पतीच्या शोधात!
(सांगली जिल्हा) रणजित मस्के प्रतिनिधी.
सांगली विट्यातून काळीज पिळवटून टाकणारी घटना समोर आली आहे. यामध्ये प्रेमविवाहाचा करूण अंत झाला आहे. चारित्र्यांच्या संशयावरून पतीने पत्नीचा खून केला आहे. काजल उर्फ श्रद्धा अविनाश लोटके (वय 23) असं मृत विवाहित महिलेचे नाव आहे. तर संशयित पती अविनाश तुकाराम लोटके हा फरार झाला असून विटा पोलीस त्याचा शोधात आहेत. या प्रकरणी मृत मावशी दिपाली साठे यांनी विटा पोलीस ठाण्यात फिर्याद दिली आहे. याबाबत पोलीस सूत्रांकडून मिळालेल्या माहितीवरून अविनाश आणि काजल या दोघांचा दोन वर्षांपूर्वी प्रेम विवाह झाला होता. काजलची आई मुंबई या ठिकाणी वास्तव्यास असल्याने काजल ही मावशीकडेच राहत होती. अविनाश आणि काजल या दाम्पत्याला तीन वर्षाचा मुलगा आहे. चारित्र्यांच्या संशयावरून पती अविनाश लोटके ने पत्नी काजल च्या डोक्यामध्ये लोखंडी रॉड मारून तिचा खून केल्याचे प्राथमिक माहिती समोर आहे. या घटनेची माहिती मिळताच पोलीस निरीक्षक धनंजय फडतरे यांनी आपल्या सहकार्यासमवेत घटनास्थळी धाव घेतली. पोलिसांनी पंचनामा करून मृतदेह शवविच्छेदनासाठी पाठविण्यात आला आहे. घटनास्थळावरून आपल्या तीन वर्षाच्या मुलाला मित्राकडे ठेवून पती अविनाश लोटके हा फरार असून पोलीस त्याच्या शोधात आहेत. सलग दुसऱ्या दिवशीही अशी घटना घडल्यामुळे विटा तालुक्यांत एकच खळबळ उडाली आहे.*
