मोक्काच्या गुन्हयातील दोन वर्षापासून फरार असलेल्या आरोपीस आंबेगांव पोलीसांनी केली अटक, आंबेगाव पोलीसांची कौशल्यपुर्ण कामगिरी.
प्रतिनिधी: गोपाळ भालेराव
कात्रज (आंबेगाव ):आंबेगाव पोलीस स्टेशनचे पोलीस अंमलदार दिनांक०१जुळे २०२५ दुपारी2:00 वा.सुमारास पोस्टे हद्दीत पेट्रोलिंग करीता असताना भारती विद्यापीठ पोलीस स्टेशनमध्ये गुरंन ७९८/२०२३ भादंवि कलम ३९५, ३२६, १४३, १४७, १४९, ५०४, ५०६(२), क्रिमीनल लॉ अमेंडमेंट कायदा कलम ७, महाराष्ट्र संघटित गुन्हेगारी कायदा कलम ३ (१) (11), ३(२) व ३ (४) या गुन्हयातील पाहिजे आरोपी नाव सुनिल गायकवाड, रा. सच्चाईमाता नगर, दुगड शाळेजवळ, आंबेगांव खुर्द पुणे हा त्याच्या राहत्या घराजवळ त्याच्या मित्राला भेटण्याकरीता आला असल्याची खात्रीशीर बातमी पोहवा चेतन गोरे यांना मिळाल्याने माहितीची शहानिशा करुन तपास पथकाने सदर ठिकाणी जावून वर नमूद आरोपीस ताब्यात घेतले. त्यानंतर त्यास आंबेगांव पोलीस ठाणे येथे आणून त्याचा नाव पत्ता विचारला असता त्याने त्याचे नाव सुनिल संजय गायकवाड, वय २० वर्षे, काम-काही नाही, रा. अटल १०, सच्चाईमातानगर, दुगड शाळेजवळ, आंबेगांवखुर्द पुणे असे असल्याचे सांगुन गुन्हा केल्याची कबुली दिली. सदर गुन्हयाचा तपास मा. सहा पोलीस आयुक्त , स्वारगेट विभाग पुणे शहर हे करीत आहेत.
सदरची कारवाई मा. अमितेश कुमार, पोलीस आयुक्त, पुणे शहर, मा. रंजनकुमार शर्मा, सह पोलीस आयुक्त, मा. राजेश बनसोडे, अपर पोलीस आयुक्त, पश्चिम प्रादेशीक विभाग पुणे, मिलींद मोहिते, पोलीस उपआयुक्त परिमंडळ-२ पुणे, श्री. राहुल आवारे सहा. पोलीस आयुक्त, स्वारगेट विभाग पुणे यांच्या मार्गदर्शनाखाली आंबेगाव पोलीस स्टेशनचे श्री. शरद झिने, वरिष्ठ पोलीस निरीक्षक, गजानन चोरमले, पोलीस निरीक्षक (गुन्हे) मोहन कळमकर, पोलीस उपनिरीक्षक, तसेच पोलीस अंमलदार शैलेंद्र साठे, चेतन गोरे, हणमंत मासाळ, निलेश जमदाडे, धनाजी धोत्रे, सचिन गाडे, प्रमोद भोसले, नितीन कातुर्डे, योगेश जगदाळे, सुभाष मोरे, हरिश गायकवाड, अजय कामठे, ज्ञानेश्वर चित्ते यांच्या पथकाने केली.
