प्रतिनिधी – सारंग महाजन | अजिंक्य महाराष्ट्र न्यूज
पुणे येथील मराठी कलाकार वेद भाळशंकर “शातिर ” या चित्रपटात संग्राम च्या भुमिकेत, वेद यांनी मी लेक असावी तर अशी, या विजय कोंडकेंच्या चित्रपटात काम केल आहे, त्या सोबतचं अनेक नाटक, मालिका तसेच मराठी, हिंदी वेबसिरीज मध्ये सुद्धा काम करतोय.
‘शातिर – THE BEGINNING’ असे या आगामी मराठी चित्रपटाचे नाव आहे. चित्रपटाची कथा- सुनील वायकर आणि हेमंत एदलाबादकर यांची आहे. तर पटकथा आणि दिग्दर्शन सुनील वायकर यांनी केले असून त्यांचा हा दिग्दर्शक म्हणून पहिलाच चित्रपट आहे. रेश्मा वायकर यांनी या चित्रपटाची निर्मिती केली आहे.आज आपल्या समाजात अंमलीपदार्थ सहजतेने मिळत आहेत, ते घेणाऱ्या तरुणाईचे प्रमाण वाढत आहे, विद्येचे माहेरघर, सांस्कृतिक राजधानी असलेले पुणे शहर अशाच प्रकरणामुळे मधल्या काळात चर्चेत होते. या दुष्ट प्रवृत्ती विरुद्ध लढा देणाऱ्या महाविद्यालयीन तरुणाईची ही कथा आहे.
वेद भाळशंकर यांच्यासोबत या चित्रपटात योगेश सोमण, मीर सरवर, रमेश परदेशी, रेश्मा वायकर, अभिमन्यु वायकर, निशांत सिंग, सतिश वैराळ, मनोज चौधरी यांच्याही महत्वपुर्ण भुमिका आहेत.ॲक्शन पॅक्ड , एक सामाजिक संदेश देणारा ‘शातिर – द बिगिनिंग’ येत्या २३ मे रोजी महाराष्ट्रातील चित्रपटगृहात येत आहे.
