चाकण | अजिंक्य महाराष्ट्र न्यूज | प्रतिनिधी प्रशांत काजळे.
चाकण – शिवसेनेचे पुणे जिल्हा संघटक अक्षय जाधव यांनी शनिवार(दि. १२) रोजी दसऱ्यानिमित्त संविधान पूजनाचे आयोजन केले करून खेड-आळंदी विधानसभा मतदारसघांतून निवडणुक लढवण्याचा निर्धार व्यक्त केला.
खेड-आळंदी विधानसभा मतदासंघांतील इच्छुक उमेदवाराची चुरस दिवसेंदिवस वाढतच चालली आहे. सध्या खेड-आळंदी विधानसभा मतदारसंघाचे अजित पवार यांच्या गटाचे दिलीप मोहिते पाटील हे प्रतिनिधित्व करत आहेत.अक्षय जाधव यांनी गेल्या काही दिवसांपासून मतदारसंघात जोरदार शक्तिप्रदर्शन सुरू केले आहे. त्यांना युवक वर्गातून उस्फूर्त प्रतिसाद मिळत असल्याचे दिसत आहे.
दसरा सणाच्यानिमित्ताने शिवसेना शिंदे गटाचे पुणे जिल्ह्याचे संघटक अक्षय जाधव यांनी आपल्या घरी दसरा शस्त्रपूजनाच्या निमित्ताने संविधान पूजन करून आता विधानसभा लढायचीच असा कार्यकर्त्यांच्या समवेत निर्धार केला. यावेळी त्यांनी बोलताना सांगितले की, तालुक्याच्या सर्वांगीन विकासासाठी मी मतदारसंघातील माय बाप जनतेच्या आशीर्वादाने निवडणूकीला सामोरे जायचे ठरवले आहे. त्यासाठी त्यांनी दसरा सणाचे औचित्य साधले होते.
आज दसऱ्याचा सण असल्याकारणाने आजच्या दिवशी तालुक्यातल्या प्रत्येकाच्या घरोघरी शस्त्रांची पूजा केली जाते. शस्त्रांची पूजा करणे हे अत्यंत महत्वपूर्ण मानलं जातं. दसऱ्याच्या निमित्ताने व तसेच छत्रपती शिवाजी महाराजांनी रयतेचे राज्य यावे यासाठी शस्त्रे हातात घेतली व त्यांनी बहुतांश युद्धमोहिमा याचं दसरा सणाच्या दिवशी केलेल्या आहेत. याचं दसरा सणाचे औचित्य साधून आपला देश ज्या संविधावर चालतो त्या संविधानाच्या प्रतीचे देखील अक्षय जाधव यांनी पूजन केले.
लोकशाहीतलं सगळ्यात मोठे शस्त्र म्हणजे संविधानाला मानले गेलेलं आहे व संविधानाच्या माध्यमातून नागरिकांचे प्रश्न सोडवण्यासाठी मी सपत्नीक संविधानाची पूजा केली आहे त्यामुळे आज या ठिकाणी समाजातील, मतदारसंघातील ज्या काही वाईट गोष्टी आहेत, जेवढ्या विनाशकारी गोष्टी आहेत, त्यांवरती मात करण्यासाठी संविधानाच्या माध्यमातून , छत्रपती शिवाजी महाराजांच्या प्रेरनेतून या तालुक्याची दिशा योग्य ठिकाणी नेण्यासाठी मी आज हि मोहीम हातात घेत आहे असे मत आमच्या प्रतिनिधी बरोबर बोलताना त्यांनी व्यक्त केले.
शिवसेना शिंदे गटाचे पुणे जिल्हा संघटक अक्षय जाधव खेड आळंदी मतदारसंघातून हे शिंदे गटाकडून उमेदवारी करण्यासाठी इच्छूक व आग्रही आहेत. यापुढे अक्षय जाधव काय राजकीय भूमिका घेतात याकडे सगळ्या तालुक्याचे लक्ष लागले आहे.
