वाठार स्टेशन पोलिसांचा मोठा दणका जुगार अड्ड्यावर छापा टाकून सात आरोपी ताब्यात
रणजीत मस्के
मा. निखील पिंगळे, पोलीस अधिक्षक सातारा, मा. डॉ. वैशाली कडुकर अप्पर पोलीस अधिक्षक सातारा, मा.श्रीमती राजश्री तेरणी, उपविभागिय पोलीस अधिकारी कोरेगाव यांनी वाठार पोलीस ठाणे हददीतील पाहीजे / फरारी आरोपी, चोरीच्या गुन्हयातील आरोपी तसेच अवैध्य धंदयांवर कारवाई करुन अवैध्य धंदे चालु न देण्यासाठी सक्त सुचना दिल्या होत्या. सदर सुचनांचे अनुषंगाने श्री सुशिल भोसले सहायक पोलीस निरीक्षक वाठार पोलीस स्टेशन यांनी त्याचे डी.बी. पथकास योग्य असे मार्गदर्शन करुन पाहीजे/फरार आरोपी, चोरीच्या गुन्हयातील आरोपी तसेच अवैध्य धंदयांवर कारवाई करणेचे आदेश देवुन त्यांचेवर योग्य ती कारवाई करण्याच्या सक्त सुचना दिल्या.
दिनांक २७/०५/२०२६ रोजी श्री. सपोनि सुशील भोसले यांना गोपणिय बातमीदारा मार्फत खबर मिळाली की मौजे बिचुकले ता. कोरेगाव जि. सातारा गावचे हददीत पळसवाट नावाचे शिवारात काही लोक पैसे लावुन तीन पानी जुगार खेळत आहेत. अशी माहीती मिळताच त्यांनी पोउनि सातव व डी. बी. पथकास बोलावुन सदर ठिकाणी जावुन खात्री करा व योग्य ती कारवाई करण्याचे आदेश दिल्याने पोहवा उदय जाधव यांनी दोन पंचांना बोलावुन घेवुन पोलीस स्टाफ व पंच सदर ठिकाणी जावुन अचानक छापा टाकुन ७ इसम जागीच पकडुन त्याचे नाव गाव विचारून त्यांचेकडे मिळुन आलेले जुगाराचे साहित्य, मोटार सायकली, डावात व अंगझडतीत मिळुन आलेली रोख रक्कम असा एकुण ३,४५,५००/- रुपये किमतीचा मुददेमाल ताब्यात घेवुन पोलीस स्टेशनला आणुन त्यांचेवर वाठार पोलीस स्टेशन येथे महाराष्ट्र जुगार प्रतिबंध कायदा कलम १२ (अ) प्रमाणे गुन्हा दाखल करण्यात आला आहे. सदर गुन्हयाची खबर पोकॉ. विठठल काळे यांनी दिली असुन गुन्हयाचा तपास पोहवा जितेंद्र शिंदे हे करीत आहेत.
सदरची कारवाई मा. निखील पिंगळे, पोलीस अधिक्षक सो सातारा, मा. डॉ. वैशाली कडुकर अप्पर पोलीस अधिक्षक सो. सातारा, मा. श्रीमती राजश्री तेरणी, उपविभागिय पोलीस अधिकारी कोरेगाव यांचे मार्गदर्शनाखाली सुशिल भोसले, सहायक पोलीस निरीक्षक, प्रभारी अधिकारी वाठार पोलीस स्टेशन, पोउनि. गहिनीनाथ सातव, पोउनि नितीन भोसले, पो. हवा. उदय जाधव, जितेंद्र शिंदे, प्रकाश चव्हाण, पोलीस अंमलदार विठठल काळे, प्रतिक देशमुख, तेजस कर्णे, विजय ढाणे, महीला पोलीस हवा. दिपाली गुरव माधुरी दिक्षीत, आशा देशमुख, पुजा जगताप यांनी सदर कारवाईत सहभाग घेतला आहे.
