एरंडोल येथील यशवंतराव चव्हाण स्मृतिगंध संचलित फर्स्ट स्टेप प्री-प्रायमरी स्कूल येथे बालरंग 2026 वार्षिक स्नेहसंमेलन उत्साहात साजरे
प्रतिनिधी स्वप्नील पाटील
एरंडोल शहरातील बाल शिक्षण क्षेत्रातील हे एक प्रमुख प्री-प्रायमरी शाळा असून, यशवंतराव चव्हाण स्मृतिगंध या संस्थेच्या माध्यमातून चालवली जाते. या शाळेतील लहान मुलांच्या सर्वांगीण विकासासाठी आयोजित करण्यात आलेल्या या वार्षिक स्नेहसंमेलनात मुलांनी विविध सांस्कृतिक कार्यक्रम, नृत्य, गीत, कविता सादर केले.
कार्यक्रमाची सुरुवात दीपप्रज्वलनाने झाली.
मुख्य अतिथी म्हणून जळगाव येथील प्रमुख वक्ते डॉक्टर गौरव पाटील होते त्यांनी मुलांना बोलण्याचा विकास व मोबाईलचे वाढते व्यसन यापासून मुलांना कसे दूर करावे याचे सखोल मार्गदर्शन केले.
प्रमुख पाहुणे म्हणून म.ध.विद्यालय. खडके विद्यालयाचे अध्यक्ष जगदीश पाटील होते.तसेच कृषी अधिकारी एस टी पाटील साहेब, मा. केंद्रप्रमुख नारायण बोरसे अश्विनी कुमार नेत्रालय चे अध्यक्ष संजय साळुंखे तसेच फर्स्ट प्री प्रायमरी चे अध्यक्ष ललित पाटील व स्वप्निल बोरसे. स्थानिक शिक्षणतज्ज्ञ, पालक आणि संस्थेचे पदाधिकारी उपस्थित होते. मुलांच्या सादरीकरणाने उपस्थित पालक आणि शिक्षक मंत्रमुग्ध झाले.
विविध रंगीबेरंगी पोशाखात मुलांनी आपल्या कलेचे प्रदर्शन केले. यात बालगीत, नृत्यनाटिका, आणि छोटे नाटकांचा समावेश होता.
फर्स्ट स्टेप प्री प्राइमरी स्कूलचे प्रिन्सिपल श्री नूतन बोरसे मॅडमांनी आपल्या भाषणात सांगितले की, “बालरंग” हे नावच मुलांच्या जीवनातील रंगीबेरंगी आणि आनंदमय सुरुवातीचे प्रतीक आहे. हे स्नेहसंमेलन मुलांमध्ये आत्मविश्वास, मैत्री आणि सांस्कृतिक जाणीव वाढवण्यासाठी महत्त्वाचे ठरते. पालकांनीही मुलांच्या प्रगतीबद्दल समाधान व्यक्त केले.
कार्यक्रमाच्या शेवटी उत्कृष्ट सादरीकरण करणाऱ्या मुलांना बक्षिसे आणि प्रमाणपत्रे देण्यात आली. सर्व उपस्थितांनी शाळेच्या प्रयत्नांचे कौतुक केले आणि अशा कार्यक्रमांच्या माध्यमातून मुलांचे भविष्य उज्ज्वल होईल, अशी अपेक्षा व्यक्त केली.
हे स्नेहसंमेलन एरंडोलमधील शैक्षणिक वातावरणाला नवी ऊर्जा देणारे ठरले असून, पालक-शिक्षक-विद्यार्थी यांच्यातील बंध अधिक दृढ करण्याचे काम केले.
कार्यक्रम यशस्वी पार पाडण्यासाठी शाळेचे सर्व शिक्षक वृंद शिक्षकेतर कर्मचारी यांनी विशेष परिश्रम घेतले
