अजिंक्य महाराष्ट्र न्यूज एका सामान्य माणसाची अनोखी सुरूवात
रेकॉर्डवरील दोन अट्टल गुन्हेगारांना गांजा विक्री करताना वानवडी पोलिसांनी केली अटक
पुणे जिल्हा सहसंपादक गोपाळ भालेराव
पुणे : दिनांक २०सप्टेंबर २०२५ रोजी वानवडी पोलीस स्टेशनकडील तपास पथकातील पोलीस अधिकारी व पोलीस अंमलदार हे वानवडी पोलीस स्टेशन हद्दीमध्ये अंमली पदार्थविरोधी कारवाईच्या अनुषंगाने पेट्रोलिंग करीत असताना, तपास पथकाचे सहा. पोलीस निरीक्षक उमाकांत महाडीक व पोलीस अंमलदार महेश गाढवे यांना माहिती मिळाली की, रामटेकडी इंडस्ट्रीयल एरिया येथील श्रीनाथ फुड कंपनीसमोर, रामटेकडी, हडपसर पुणे येथे दोन इसम हे लाल रंगाचे सॅगमध्ये गांजा हा अंमली पदार्थ विक्रीसाठी जवळ बाळगुन कोणाचीतरी वाट बघत थांबलेले आहेत. अशी खात्रीशीर बातमी मिळाल्याने तपास पथकाचे अधिकारी व अंमलदार यांनी दोन टिम करुन बातमीच्या ठिकाणी जावुन खात्री करुन वर्णनाचे इसम माहितीतील वर्णनाची लाल सँग घेवुन थांबलेले असल्याचे दिसुन आले असता, सापळा रचुन अचानकपणे छापा टाकुन बातमीतील वर्णनाच्या इसमांना ते पळून जाण्याचा प्रयत्न करीत असताना जागीच शिताफीने पकडले. त्यांना त्यांची नावे विचारली असता त्यांनी त्यांची नाव १) अविनाश श्रीरंग भोंडवे, वय ४१ वर्षे, रा. चुनाभट्टी, गणेश मळा, देशपांडे गार्डनजवळ, सिंहगड रोड, पुणे २) संजय विश्वनाथ काथे, वय ३५ वर्षे, रा. गोसावी वस्ती, शिवरकर समाज मंदिराशेजारी, वैदुवाडी, हडपसर, पुणे अशी असल्याची सांगितले, नमुद इसमांकडे मिळुन आलेल्या लाल रंगाच्या सॅगची तपासणी केली असता सदर सँगमध्ये पांढ-या पिशवीतील एक हिरवट प्लास्टीकचे चिकटटेप लावलेली पिशवी व काही पांढ-या रंगाची कागदी पाकीटे मिळून आली ती उघडुन पाहता ३४,२४०/-रु. कि. चा १ किलो ७३४ ग्रॅम गांजा हा अंमली पदार्थ मिळुन आला. सदरबाबत वानवडी पोलीस स्टेशन येथे गु.र.नं. ३७८/२०२५ एन.डी.पी.एस. अॅक्ट कलम ८ (क), २० (ब) (ii) (ब) अन्वये गुन्हा दाखल करण्यात आलेला असुन सदर गुन्हयामध्ये दोन्ही आरोपींना अटक करण्यात आलेली आहे. सदर गुन्हयाचा अधिक तपास हे सहा. पोलीस निरिक्षक उमाकांत महाडिक करीत आहेत.
सदरची कारवाई ही मा. अपर पोलीस आयुक्त, पुर्व प्रादशिक विभाग पुणे शहर श्री. मनोज पाटील, मा. पोलीस उप-आयुक्त परिमंडळ ०५ पुणे शहर, डॉ. राजकुमार शिंदे, मा. सहा. पोलीस आयुक्त वानवडी विभाग, पुणे शहर श्री. धन्यकुमार गोडसे यांचे मार्गदर्शनाखाली तसेच वरिष्ठ पोलीस निरीक्षक वानवडी पोलीस स्टेशन पुणे शहर श्री. विजयकुमार डोके यांचे सुचनाप्रमाणे तपास पथकाचे सहा. पोलीस निरीक्षक उमाकांत महाडिक, पोलीस उप-निरीक्षक सुधीर चौघुले व पोलीस अंमलदार दया शेगर, महेश गाढ़ये, अमोल पिलाणे, सर्फराज देशमुख, अतुल गायकवाड, अभिजित चव्हाण, गोपाळ मदने, यतीन भोसले, विष्णु सुतार, बालाजी वाघमारे, अमोल गायकवाड, अर्शद सय्यद, विठ्ठल चोरमले, आशिष कांबळे व दिपक क्षीरसागर यांनी केली आहे.
