मोटारसायकल चोरी करणाऱ्या तिन आरोपींना अटक करुन त्यांच्याकडून २ लाख रुपये किंमतीच्या एकुण ५ मोटारसायकली केल्या जप्त आंबेगांव पोलीस स्टेशनची कौतुकास्पद कामगिरी.
पुणे (कांता राठोड)
दिनांक २७/०७/२०२५ रोजी आंबेगाव पोलीस स्टेशन हद्दिमध्ये गुन्हे प्रतिबंधकच्या अनुषंगाने पेट्रोलिंग करीत असताना रात्रौ २२.०० वा. च्या सुमारास जांभुळवाडी तालाव शेजारुन आंबेगाव गावठाणकडे तीन संशयीत इसम जात असताना दिसल्याने त्यांना थांबवून त्यांचे नाव पत्ता विचारला असता त्यांनी त्यांची नावे १) नरेंद्र सुखदेव झुरंगे, वय १९ वर्षे, काम शेती, रा. मु.पो. खळद एखदपुर, ता. पुरंदर, जिल्हा. पुणे २) सुयश सुनिल दुधाळ, वय १९ वर्षे, काम शेती, रा. मु.पो. खळद एखदपुर, ता. पुरंदर, जिल्हा. पुणे ३) प्रज्वल गंगाधर टिळेकर, वय १९ वर्षे, काम शेती, रा. मु.पो. खळद एखदपुर, ता. पुरंदर, जिल्हा. पुणे असे सांगितले. त्यानंतर सदर इसमांकडे सखोल चौकशी केली असता त्यांनी त्यांच्या ताब्यातील मोटारसायकली आंबेगाव तसेच भारती विद्यापीठ हद्दिमधुन चोरी केली असल्याचे समजले. त्यांच्याकडून खालीलप्रमाणे चार गुन्हे उघडकीस आणले आहे.
१) आंबेगांव पोस्टे गु.र.नं १६९/२०२५ बी.एन. एस. कलम-३०३(२) प्रमाणे.
२) भारती विद्यापीठ पोस्टे गु.र.नं २७०/२०२५ बी.एन.एस. कलम ३०३ (२) प्रमाणे.
३) भारती विद्यापीठ पोस्टे गु.र.नं ३५६/२०२५ बी.एन.एस. कलम ३०३(२) प्रमाणे.
४) भारती विद्यापीठ पोस्टे गु.र.नं ३५१/२०२५ बी.एन.एस. कलम ३०३ (२) प्रमाणे.
वरीलप्रमाणे चार गुन्हे उघडकिस आणुन त्यांच्याकडुन सदर गुन्हयातील चोरी केलेल्या चार मोटारसायकल व सदरचे गुन्हे करण्यासाठी वापरलेली एक मोटारसायकल अशा एकुण २ लाख रुपये किंमतीच्या ०५ मोटारसायकली जप्त करण्यात आल्या आहेत.
सदरची कारवाई मा.श्री. अमितेश कुमार पोलीस आयुक्त साो पुणे शहर, मा.श्री. रंजन कुमार शर्मा पोलीस सह आयुक्त पुणे शहर, मा. श्री. राजेश बनसोडे अपर पोलीस आयुक्त पश्चिम प्रादेशीक विभाग पुणे, मा. श्री. मिलींद मोहिते पोलीस उपआयुक्त परिमंडळ-२ पुणे शहर व मा. श्री. राहुल आवारे सहाय्यक पोलीस आयुक्त स्वारगेट विभाग पुणे यांचे मार्गदर्शनाखाली वरिष्ठ पोलीस निरीक्षक श्री. शरद झिने आंबेगाव पोलीस स्टेशन यांचे सुचनेप्रमाणे पोलीस निरीक्षक (गुन्हे) गजानन चोरमले, पोलीस उपनिरीक्षक मोहन कळमकर व रतिकांत कोळी, तसेच पोलीस अंमलदार शैलेंद्र साठे, चेतन गोरे, हणमंत मासाळ, निलेश जमदाडे, बापु भिंगारे, धनाजी धोत्रे, सचिन गाडे, प्रमोद भोसले, नितीन कातुर्डे, योगेश जगदाळे, सुभाष मोरे, हरिश गायकवाड, अजय कामठे, ज्ञानेश्वर चित्ते, राकेश टेकवडे, शिवाजी पोटोळे तसेच कॉप्स २४ मार्शलचे दिपक गायकवाड, दत्तात्रय मेंगाळ, सागर खंडागळे, किरण कांबळे यांच्या पथकाने केली.
