अजिंक्य महाराष्ट्र न्यूज एका सामान्य माणसाची अनोखी सुरूवात
संपादकीय
दरे, महाबळेश्वर, #सातारा
नाम फाउंडेशन, टाटा मोटर्स आणि राज्य शासनाच्या पुढाकाराने कोयना नदीपात्रात राबविण्यात येणाऱ्या ‘गाळमुक्त धरण आणि गाळयुक्त शिवार’ या योजनेच्या कामाचा शुभारंभ आज करण्यात आला. यावेळी नाम फाउंडेशनचे सर्वेसर्वा, अभिनेते नाना पाटेकर हेदेखील उपस्थित होते.
या योजनेच्या माध्यमातून कोयना धरणातील गाळ जेसीबीच्या सहाय्याने काढण्यात येत असून त्यामुळे या धरणाची पाणी वहन करण्याची क्षमता वाढत असल्याचे गेल्या काही वर्षात निदर्शनास आले आहे. नाना पाटेकर यांच्या नाम फाउंडेशनने केलेल्या कामामुळे कोकणाप्रमाणेच कोयना पात्रातील पाणी पातळीत लक्षणीय वाढ झाली आहे.
यानंतर नाना पाटेकर यांच्यासह दरे गावातील माझ्या शेतात फेरफटका मारून विविध पिकांची केलेली लागवड दाखवली. यावेळी आम्ही दोघांनी मिळून अननसाचे झाडही लावले. तसेच माझ्या शेतात पिकलेली स्ट्रॉबेरी, चिकू, आंबे यांसारख्या विविध फळांचा मनसोक्त आस्वादही घेतला. शेती आणि मातीशी नाळ जोडलेल्या नानांसोबत गप्पा मारण्यात वेळ कसा गेला ते कळलेच नाही.
यावेळी नाम फाउंडेशनचे सदस्य आणि दरे गावातील माझे सर्व सहकारी उपस्थित होते.
#EknathShinde #Satara #Maharashtra
Nana Patekar – नाना पाटेकर
