अजिंक्य महाराष्ट्र न्यूज एका सामान्य माणसाची अनोखी सुरुवात
बालकाकडून महागडी रॉयल एनफील्ड दुचाकी जप्त – भारती विद्यापीठ पोलिसांची कौशल्यपूर्ण कामगिरी.
पुणे जिल्हा सहसंपादक गोपाळ भालेराव
पुणे: भारती विद्यापीठ पोलीस ठाण्याच्या हद्दीत वाहन चोरीच्या घटनांमध्ये वाढ होत असल्याने वरिष्ठ पोलीस अधिकाऱ्यांच्या मार्गदर्शनाखाली तपास पथकाला गुन्हे उघडकीस आणण्याच्या सूचना देण्यात आल्या होत्या.
या अंतर्गत, पोलीस तपास पथकाने गुन्हा रजि. नं. १०८५/२०२४ अंतर्गत चोरीस गेलेली रॉयल एनफील्ड थंडरबर्ड (MH12MU9890) दुचाकी शोधण्याचा प्रयत्न सुरू केला. यावेळी पोलीस अंमलदारांना गुप्त माहिती मिळाली की, चोरीची दुचाकी सुखसागर नगर, बनकर शाळेजवळ, गुरुदत्त हाइट्स येथे एका इसमाकडे आहे.
पथकाने तत्काळ त्या ठिकाणी छापा टाकून संशयिताला ताब्यात घेतले असता तो विधीसंघर्षित बालक असल्याचे आढळले. त्याच्याकडून सदरची दुचाकी जप्त करण्यात आली आहे.
ही कामगिरी पोलीस आयुक्त अमितेश कुमार, सह पोलीस आयुक्त रंजनकुमार शर्मा, अपर पोलीस आयुक्त प्रविणकुमार पाटील, पोलीस उप आयुक्त श्रीमती स्मार्तना पाटील, सहाय्यक पोलीस आयुक्त राहुल आवारे यांच्या मार्गदर्शनाखाली करण्यात आली.
कारवाईत वरिष्ठ पोलीस निरीक्षक सावळाराम साळगावकर, पोलीस निरीक्षक (गुन्हे) राहुलकुमार खिलारे, पोलीस उपनिरीक्षक निलेश मोकाशी, तसेच पोलीस अंमलदार मितेश चोरमोले, अभिनय चौधरी, सागर बोरगे, महेश बारवकर, सचिन सरपाले, मंगेश पवार, निलेश खैरमोडे, सचिन गाडे यांनी महत्त्वाची भूमिका बजावली.
पोलीस तपास सुरू असून चोरीशी संबंधित आणखी माहिती मिळण्याची शक्यता आहे.
